Улшăнусем кĕтеççĕ

Кăçалтан муниципалитетсемпе районсем, ял тарăхĕсем пĕр тытăма кĕрĕç. Чылай тăрăха пĕрлĕштерсе муниципалитет округĕсем туса хурĕç. Çакна май медицина пулăшĕвпе тивĕçтерме, халăх ыйтăвĕсене пăхса тухса тишкерме, çулсене пăхса тăма, вĕрентӳ тытăмĕнчи ыйтусене татса пама меллĕрех те ансатрах пулĕ. Пĕлтĕр раштав уйăхĕнче 2 район заявка тăратнă. Паян Улатăр тăрăхĕ кирлĕ документсене Чăваш Республикин Патшалăх Канашне илсе çитерчĕ. Саккуна улшăну кĕртиччен чылай саманта тишкернĕ. Муниципалитет тăрăхĕсен ертӳçисемпе, депутатсемпе чылай ĕç пурнăçланă, чылай саманта тишкернĕ, ял тăрăхĕсене халăхпа пĕрле пухусем ирттернĕ. Ыйтусем те чылай сиксе тухнă. Çапах та, пĕр шухăшлă пулса улшăнусене ырланă. Улатăр тăрăхĕнче те муниципалитет округĕ туса хурас сĕнĕве халăх ырласа йышăннă. Акă паян кирлĕ докуменстсем хатĕр. Малашне Улатăр муниципалитет округĕ пулĕ, администраци центрĕ – Улатăр хули