Пу крес марии чыл сай ползын

8 июньда 2024 чылда Ӱс Чул аалда грек-рим паза олаңай кӱресче Россияның спорт узы, Тун пайрамда хакас кӱрезінҷе чиңісчі полған Денис Пастаевтің хумартхызына чарыдылған Асхыс аймааның пастағы азых марии хакас кӱрезінҷе ирт парды. Тун марығда чиңісчілернің чиңісчізі Михаил Болганов полыбысхан. Ағаа кӱрес пайрамының тӧстегҷілері, ол Денис Геннадьевичтің туғаннары, хой сыйлап пиргеннер. Пасха 2 хой алынҷа кӧдірімнерде чиңіс тутхан кӱресчілерге пирілген. Пу марығ пазағы чылда иртіріллеріне ізенчебіс, киртінчебіс!