«Кăкшăм», «Гагарин» микрорайонсенчи нумай хваттерлĕ çуртсене туса пĕтереççĕ

Шупашкарти «Кăкшăм» тата «Гагарин» микрорайĕнче нумай хваттерлĕ çуртсене тăвас ĕç вĕçленсе пырать. «Лидер» строительство компанийĕ пая кĕнисене çĕнĕ хваттерпе тивĕçтерме шантарнă. Вăл панă сăмаха пурнăçлайман. Чăваш Республикин строительство министерстви ку ыйтăва хăй çуначĕ айне илнĕ. Лав вырăнтан тапраннă. Кĕçех улталаннă пайçăсем çĕнĕ çурт кĕрекинче пуçтарăнма пултарĕç. «Кăкшăм», «Гагарин» микрорайонсенчи çурт-йĕр комплексĕсенче 1057 улталаннă пайçăсен 612 хваттер. Оксана Чернова тĕрлĕ суд тăрăх çӳресе ыттисем пекех хăйĕн правине хӳтĕлеме тăрăшнă. Тинех лару-тăру уçăмланнăшăн вăл питĕ савăннă. Кашни пӳлĕме мĕнле тĕспе хитрелетмеллине, сĕтел-пукан лартассине халех шухăшлама пуçланă вăл. ОКСАНА ЧЕРНОВА: “2018-мĕш çулхи декабрь вĕçĕнче «Лидер» сроительство организаципе договор çыртăмăр. Аслă ывăл валли хваттер туянас терĕмĕр. Саккунсем улшăнса пынă май эпир çак пăтăрмаха лекрĕмĕр. Эскроу счет уçнипе пирĕн çак застройщикĕн пăтăрмах сиксе тухрĕ. Çурта вăхăтра хута яраймарĕç“. «Соколовский» инвестор пулăшăвĕпе усă курса нумай хваттерлĕ çуртсене Çĕнĕ çул тĕлне ĕçе кĕртме палăртаççĕ. ВЛАДИМИР МАКСИМОВ: «Лидер» компанине пулăшма инвестор килчĕ. Çак инвесторпа сĕтел хушшине ларса мĕнле майпа çак çуртсене çĕклесе пĕтермелли йышăнусем турăмăр. Халь ĕнтĕ Кувшинкăри çуртсем çак территоринче пирĕн çулталăк пуçламăшĕнчен çак 4 çуртсем çинче ĕçсем пире çĕнĕ графиксем 3-мĕш кварталта хута ярасшăн. Кувшинкăри çуртсене ĕнтĕ 4-мĕш кварталта çĕклесе пĕтермелле 2024-мĕш çулта çынсене пама пуçламалла“. Чăваш республикин строительство министрĕ Павел Данилов шалти ĕçсемпе те паллашрĕ. Стенасене тикĕслеççĕ, сăрлаççĕ, урайсене якатаççĕ, трансформатор вырнаçтарнă пӳлĕмрен çутă пăралукĕсем тăсса кĕртеççĕ. Ăшăпа тивĕçтерессипе ĕçлеççĕ. Кунсерен ку объектсенче 260 çын таран ĕçлет.