А ськамон (текст) - Олёш

Слова: Мария Ерёмина Музыка: Олёш Ёвтасынь тонеть валон, Пачтьсынь мелень-арсеман: А ськамон мон, а ськамон – Тонь лездамонтень кеман. Мезе перьканок – давол… Арась, а ёматано. А ськамон мон, а ськамон: Кинть вейсэ вешнетяно. Улезэ мезе ули, Явозо кавтов модась – Кемемань кеме суресь Сэдь минек туртов кодась. Маряса кедьсэнь кедеть, Сехте малавикс ломань. Мольсынек сырнень сэденть, Изнясынек куломанть. Минек пазось – Вечкемась – Несы: тонь а кирдян мон. Ансяк эжди кемемась: А ськамон мон, а ськамон. — А ськамон мон, а ськамон – Пачкодить монень валот. Ды кармавтыть эрямо: А ськамот тон, а ськамот.