РЭПРЭСАВАНАЯ АРХІТЭКТУРА Гомля і Шабунеўскі яе стваральнік, рэж. Марыя Булавінская, Беларусь, 2019 г

Дакументальны фільм распавядае пра лёс таленавітага архітэктара Станіслава Шабунеўскага, які стварыў адныя з найпрыгажэйшых будынкаў у Гомлі. Праз будынкі беларускага архітэктара Станіслава Шабунеўскага можна вывучаць розныя эпохі – дарэвалюцыйную, савецкую і нават сённяшнюю. Да рэвалюцыі, на пасадзе галоўнага архітэктара Гомля, ён прымаў замовы на праектаванне ў гарадах тагачасных Магілёўскай і Чарнігаўскай губерняў. З прыходам да ўлады бальшавікоў Шабунеўскі не эміграваў і працягнуў працаваць на карысць любімага Гомля. У пачатку 1930-х гадоў творчасць і веды Шабунеўскага сталі непатрэбныя савецкай уладзе, і архітэктар быў рэпрэсаваны. Ягонае імя было сцёртае са старонак горадабудаўнічай гісторыі, а ягоныя будынкі часта зносіліся ці перабудоўваліся да непазнавальнасці іншымі савецкімі архітэктарамі. Шмат якія будынкі Шабунеўскага ўваходзяць у спіс вядомых і найбольш значных архітэктурных помнікаў Беларусі. Але да сёння ў Гомлі няма ні вуліцы, названай у ягоны гонар, ні помніку арх