Цэлыя суткі доўжылася акцыя “Марафон футбола”, прысвечаная 70-й гадавіне Вялікай Перамогі

Цэлыя суткі - з раніцы 7 мая да раніцы 8 мая - у нашым горадзе каля дзіцяча-юнацкай спартыўнай школы праходзіла спартыўная акцыя «Марафон футбола», прысвечаная 70-й гадавіне Вялікай Перамогі над фашызмам. Гэта спартыўнае свята было данінай павагі ветэранам, данінай памяці ўсім загінулым у страшныя гады вайны. Дадзены марафон стаў лептай ва ўмацаванне здароўя нацыі і даказаў, што пакаленне мірнага часу адрозніваецца цягавітасцю і гатова да спартыўных дасягненняў.