Бусы ужъёс

Туннэ понна валтӥсь уж - ю-нянь калтон. Гурт возёсъя но сиён-юонъя элькун министерстволэн ивортэмезъя, та вакыт шаерамы 20%-лэсь ятыр ю-тысен бусыос утялтэмын, гектарысьтыз шорлыдын 27 центнер пала люкаське. Миымен ӵошатыса - ужъёс ӝегаса мыно, со сяна зоръёс тысьлэсь ӟечлыксэ кулэсто. Вавож ёросысь “Колос“ возёсын, кылсярысь, куд-ог бусыосын чабей шепъёсысь тысь будыны но кутскемын. Та вакытлы татын 40% пала бусыоссы калтэмын.