Чӑваш Енре ялсене шыв илме пуҫланӑ

Патӑрьелте лару-тӑру шикленӳллӗ пулнине кура хатӗр тӑмалли ятарлӑ йӗрке ҫирӗплетнӗ. Канашпа Елчӗк тӑрӑхӗсенче те ейӳ тапхӑрӗ пӑлхануллӑ иртет. Ҫынсем ҫурхи шыв ҫуртсемпе ҫулсене шар кӳнине пӗлтереҫҫӗ. Хӗлле ытти чухнехинчен юр нумай ҫуни тата ҫанталӑк тӑрук ӑшӑтса яни ҫапла нуша кӑтартать. Ял халӑхӗпе ятарлӑ службӑсем йывӑрлӑха сирме тӑрӑшаҫҫӗ.