Топан судан зардап шеккен мақтааралдықтар үйлі болды

Биыл жазда топан су астында қалған мақтааралдық тұрғындар қоныс тойын тойлауда. Қираған үйлер қалпына келтіріліп, Мырзакентте жаңа шағын аудан бой көтерді. Елбасы Нұрсұлтан Назарбаевтың бастамасымен «Birgemiz» қоғамдық қоры Достық ауылына 340 миллион теңге бөліп, 20 үй салынған. Әрбірі 100 шаршы метр, 4 бөлмеден тұрады. Сондай-ақ, қор қаржыландыруымен Фирдоуси ауылының тұрғындарына да 12 үй салынуда. Олар қараша айының басында аяқталады. Ауыл тұрғындарының қуанышымен «Nur Otan» партиясы төрағасының бірінші орынбасар Бауыржан Байбек те бөлісті. Оның сөзінше, Мемлекет басшысы Қасым-Жомарт Тоқаевтың үндеуіне барша қазақстандықтар қолдау білдіріп, мақтааралдықтарға 1000 тоннадан астам гуманитарлық көмек жеткізілген. Оның ішінде азық-түлік, жеке гигиеналық заттар, киім-кешектер, төсек-орын жабдықтары мен құрылыс материалдары бар. 🕕 #1tvkz #смотримвместе #жаңалықтар #бастыжаңалықтар #Қазақстан #Еуразия_бірінші_арнасы #коронавирус #коронавирусвказахстане #вирус #КАРАНТИН