#AzattyqTV: Назарбаев пен Путин Сирияны сөз етті

Қазақстанға ресми сапармен келген Ресей президенті Владимир Путин бүгін Ақордада Қазақстан президенті Нұрсұлтан Назарбаевпен кездесіп, бірқатар құжаттарға қол қойды. Назарбаев екі мемлекеттің халықаралық дауларға қатысты ойлары бірдей екенін жеткізіп, “Ислам терроризмге қарсы“ форумын құруға шақырды. Баспасөз өкілдері алдында өткен қол қою рәсімінен соң президенттерге сұрақ беруге рұқсат етілмеді. Дегенмен АҚШ-тың Сирия дауындағы Ресейге қатысты ұстанымы туралы Путиннен сұрауға ресейлік бір журналистке рұқсат етілді. Путин АҚШ пен және басқа да әріптестермен бұл дағдарысқа қатысты диалогқа дайын екенін айтты. 15 қазан 2015 жыл.