Православный календарь Вторник 31 декабря 2024 / 18 декабря 2024

Седмица 28-я по Пятидесятнице. Глас вторый. Рождественский пост. Пища с растительным маслом Мчч. Севастиана и дружины его: Никострата (казнохранителя), жены его Зои, Кастория, Транквиллина пресвитера и сынов его Маркеллина и Марка, диаконов, Клавдия, начальника над тюрьмами, сына его Симфориана, брата Викторина, Тивуртия и Кастула (ок. 287). Мч. Виктора (1937). Сщмч. Фаддея, архиеп. Тверского и Кашинского (1937). Сщмчч. Николая, архиеп. Великоустюжского, Илии, Иоанна, Владимира и Николая пресвитеров (1937).Сщмч. Сергия диакона и мц. Веры (1942). Прп. Севастиана Сохотского, Пошехонского (ок. 1500). Прославление (1694) прав. Симеона Верхотурского (1642). Свт. Модеста, архиеп. Иерусалимского (633-634). Прп. Флора, еп. Амийского (VII). Прп. Михаила сингелла, исп. (ок. 845). Прп. Даниила Пустынника (Румын.). Мч. Еввотия Кизического. Прп. Виннибальда, игумена Хайденхаймского (761) (Кельт. и Брит.). Сщмчч. Закхея диакона и Алфея чтеца, Кесарийских (Греч.). Св. Гатьяна первого еп. Торского (III). Св. Софии чудотворицы (Греч.) Чтения дня 2 Тимофею 3:16-4:4 Марка 10:2-12 Тропари Мчч. Севастиана и дружины его. Тропарь, глас 4. Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего,/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости,/ тех моли́твами/ спаси́ ду́ши на́ша. Свт. Модеста, архиеп. Иерусалимского. Тропарь, глас 4. Преподо́бно пожи́в, Богому́дре Моде́сте,/ и святи́тельскою оде́ждою укра́шен,/ па́стырю Иерусали́ма блаже́ннейший,/ в весе́лии ны́не Христу́ предстои́ши/ и концы́ озаря́еши чудесы́,/ помо́щник у́бо бу́ди тя призыва́ющим,/ моля́ся, о́тче, о всех нас. Кондак, глас 3. Све́тлых по́двигов твои́х тве́рдость/ и сострада́ния ко всем бога́тство ви́дя,/ Всеблаги́й Подвигополо́жник Бог/ бога́тых дарова́ний Свои́х сподо́би тя, Моде́сте,/ сла́вный иера́рше и чудотво́рче./ Тем, моля́щеся тебе́, вопие́м:/ свобожда́й нас от лю́тых обстоя́ний/ и неду́гом на́шим пода́ждь исцеле́ние. Прп. Севастиана Сохотского, Пошехонского. Тропарь, глас 4. Удали́вся ми́ра и водвори́вся в пусты́ни,/ до́брым по́двигом подвиза́ся,/ злострада́нием, и внима́нием, и моли́твами,/ отоню́дуже и по сме́рти источа́еши исцеле́ния,/ Севастиа́не, о́тче наш,/ моли́ Христа́ Бо́га/ спасти́ся душа́м на́шим. Кондак, глас 3. Сия́нием Ду́ха Пресвята́го, му́дре Севастиа́не, просве́щся,/ оста́вил еси́ я́же в житии́ молвы́,/ пусты́ню же дости́г, преподо́бне о́тче,/ возвесели́л еси́ и́же над все́ми Бо́га и Зижди́теля./ Сего́ ра́ди прославля́ет тя Христо́с, блаже́нне, Вели́кий Дарода́тель. Прав. Симеона Верхотурского. Тропарь, глас 4. Мирска́го мяте́жа бе́гая,/ все жела́ние обрати́л еси́ к Бо́гу,/ да в виде́ния восхо́д обря́щеши Горе́,/ отню́дуже не уклони́вся в лука́вствия се́рдца,/ но очи́стив ду́шу и те́ло,/ прия́л еси́ благода́ть точи́ти цельбы́ ве́рным и неве́рным,/ притека́ющим к тебе́, пра́ведный Симео́не. Те́мже, по да́нному ти да́ру,/ испроси́ у Христа́ Бо́га исцеле́ние нам,/ боля́щим душе́вными страстьми́,/ и мо́ли спасти́ ду́ши на́ша. Кондак, глас 2. Ми́ра су́етнаго отве́рглся еси́,/ да бла́га ве́чныя жи́зни насле́диши,/ возлюби́в незло́бие и чистоту́ души́ и те́ла./ Сниска́л еси́, е́же возлюби́л,/ свиде́тельствует бо о сем гроб и нетле́ние моще́й твои́х/ и благода́ть чудотворе́ния наипа́че./ То́чиши бо цельбы́ всем притека́ющим к тебе́ и непросвеще́нным,/ Симео́не блаже́нне,/ чудотво́рче преди́вный. Св. отцев тропарь, глас 2. Ве́лия ве́ры исправле́ния:/ во исто́чнице пла́мене, я́ко на воде́ упокое́ния,/ святи́и трие́ о́троцы ра́довахуся,/ и проро́к Дании́л львом па́стырь, я́ко овца́м, явля́шеся./ Тех моли́твами, Христе́ Бо́же, спаси́ ду́ши на́ша. Аще вне 20-го числа, кондак отцев, глас 6. Рукопи́саннаго о́браза не поче́тше,/ но Неопи́санным Существо́м защити́вшеся, треблаже́ннии,/ в по́двизе огня́ просла́вистеся;/ среде́ же пла́мене нестерпи́маго стоя́ще, Бо́га призва́сте:/ ускори́, о Ще́дрый!/ И потщи́ся, я́ко ми́лостив, в по́мощь на́шу,/ я́ко мо́жеши хотя́й. Аще же внутрь предпразднства, кондак, глас 1. Весели́ся, Вифлее́ме, Евфра́фо, гото́вися:/ се бо Áгница, Па́стыря вели́каго во утро́бе нося́щи, е́же роди́ти тщи́тся,/ Его́же зря́ще, Богоно́снии отцы́ веселя́тся,/ с па́стырьми пою́ще Де́ву доя́щую. Сщмч. Фаддея, архиеп. Тверского и Кашинского тропарь, глас 1. Хвала́ Бо́гу и же́ртва жива́я/ житие́ твое́, священному́чениче Фадде́е, яви́ся./ Посто́м, бде́нием и моли́твою Небе́сная дарова́ния прии́м,/ мно́гим до́брый помо́щник и уте́шитель бысть./ Па́стырскою му́дростию и ти́хостию нра́ва украше́н,/ лука́вства враго́в Христо́вых препобеди́л еси́./ Сла́ва Да́вшему тебе́ во страда́ниих кре́пость,/ сла́ва я́ко му́ченика Венча́вшему тя,/ сла́ва Де́йствующему тобо́ю всем исцеле́ния. Кондак, глас 4. Ду́ха небоя́зни, си́лы, любве́ и упова́ния/ даде́ Пастыренача́льник ти, святи́телю Фадде́е,/ во стра́дании бо твое́м благодаре́ние Бо́гу воздава́л еси́/ и в гоне́ниих стра́ждушия утеша