Православный календарь; Вторник 29 октября 2024 / 16 октября 2024

Седмица 19-я по Пятидесятнице. Глас первый. Мч. Лонгина сотника (I), иже при Кресте Господни. Св. Георгия исп., пресвитера (1931). Сщмч. Евгения пресвитера (1937). Сщмч. Алексия пресвитера (1938). Сщмч. Иоанна пресвитера (1942). Прп. Лонгина, вратаря Печерского, в Дальних пещерах (XIII-XIV). Прп. Лонгина Яренгского (1544-1545). Прп. Лонгина Коряжемского (1540). Прп. Евпраксии, игумении (кн. Евфросинии), Псковской. Прп. Мала отшельника. Прп. Галла, Ирландского, просветителя Щвейцарии (630) (Кельт. и Брит.). Прп. Савина, монаха (Греч.). Мчч. Изауруса и Афродисиуса пострадавших со св. Лонгином (I). Св. блаженой Домны Томской (1872). Чтения дня Филиппийцам 1:8-14 Луки 9:23-27 2 Тимофею 2:1-10 (мученику) Матфея 27:33-54 (мученику) Тропари Мч. Лонгина сотника. Тропарь, глас 4. Му́ченик Тво́й, Го́споди, Ло́нгин,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами/ спаси́ ду́ши на́ша. Кондак, глас 4. Ве́село возра́довася Це́рковь/ в па́мяти днесь приснопа́мятнаго страда́льца Ло́нгина, взыва́ющи:/ Ты моя́ держа́ва, Христе́, и утвержде́ние. Прп. Лонгина, вратаря Печерского, в Дальних пещерах. Тропарь, глас 1. Преподо́бне и Богоблаже́нне о́тче Ло́нгине,/ врат монасты́рских опа́сный храни́телю,/ опа́снейший же и неусы́пный свои́х чу́вствий/ от вся́каго мирска́го суе́тствия затвори́телю,/ моли́ наре́кшаго Себе́ дверь Го́спода Сла́вы,/ да отве́рзет нам дверь ми́лости Своея́. Кондак, глас 8. Врато́м земны́м приседя́ и о́ным с послуша́ния вне́шнима очи́ма наблюда́я,/ Небе́сная врата́ при́сно у́мныма свои́ма очи́ма наблюда́л еси́, преподо́бне Ло́нгине,/ в ня́же уже́ вшед и та́мошния красоты́ сподо́бився, моли́ся Го́сподеви,/ да и мы полу́чим вход Ца́рствия Небе́снаго. Прп. Лонгина Яренгского. Тропарь, глас 1. Свы́ше Боже́ственною благода́тию просвети́вся Богому́дре,/ мно́гим терпе́нием во вре́менней жи́зни тече́ние соверши́л еси́,/ те́мже и по успе́нии источа́еши чудесе́м благода́ть,/ и́же с ве́рою приходя́щим к тебе́, Ло́нгине всебла́женне./ Сла́ва Да́вшему ти кре́пость,/ сла́ва Просла́вльшему тя в чудесе́х,/ сла́ва Де́йствующему тобо́ю всем исцеле́ние. Кондак, глас 2. Вы́шних улучи́ти, прему́дре, жела́я,/ до́лу кра́сных, му́дре, преоби́дел еси́,/ и Христо́ви обнища́вшему, сообнища́,/ ра́дуяся, после́довал еси́, Ло́нгине,/ к Нему́ же приле́жно непреста́й моля́ся о всех нас. Прп. Лонгина Коряжемского. Тропарь, глас 1. От мяте́жа мирска́го удали́вся,/ к немерца́ющему Све́ту прите́кл еси́, преподо́бне о́тче Ло́нгине,/ и ны́не чи́сте зри́ши Святу́ю Тро́ицу,/ Ю́же моли́ за ны недосто́йныя,/ да спасе́т ду́ши на́ша. Кондак, глас 8. По словеси́ Учи́теля Христа́, крест на ра́мо твое́ прия́л еси́,/ вся жите́йская отри́нув,/ и о́браз Животворя́щаго Дре́ва в пусты́ню прине́сл еси́,/ иде́же доны́не изцеле́ния неоску́дно источа́ются/ с ве́рою приходя́щим к тебе́.