Qara həsrət qalanlar Şahdağa üz tutub - Baku TV

Qara həsrət qalanlar Şahdağa üz tutub - Baku TV Bayram günlərində ölkəmizin şimal bölgəsinə çoxlu sayda turist axın edib. Ziyarətçilərin əksəriyyəti Quba və Qusar zonasını seçib. Şimal bölgəsində ən çox turist sayı Qusarın Şahdağında müşahidə edilib. Buraya bir neçə gün ərzində minlərlə turist üz tutub. Ötən ildən fərqli olaraq istirahət mərkəzlərində və hotellərdə əcnəbi turistlər üstünlük təşkil edib. Şahdağ Turizm Mərkəzindən bildirilib ki, təkcə bayram günlərində buraya 10 mindən çox turist üz tutub. Hoteldə 3500-ə qədər turist qalıb ki, onların da 30 faizini xarici turistlər təşkil edib. Hazırda Şahdağda 30 sm-ə qədər qar var. Bu da şimal bölgəsinə üz tutanların sayının artmasına səbəb olur. Həmçinin bildirilir ki, əvvəllər xaricə üz tutan yerli turistlərin bir qismi pandemiyadan sonra əsasən öz bölgələrimizə səfər edir. Mütəxəssislər turistlərin sayının daha da artacağını proqnozlaşdırır. *************** Baku TV 2018-ci ilin fevral ayında xəbər kanalı kimi fəaliyyətə başlayıb. Kanalın əsas məqsədi dü