Жібек жолы қайырымдылық қорының діни ілім беруге құқы жоқ

Елімізде ислами бағыттағы жалғыз республикалық бірлестік - Қазақстан мұсылмандары діни басқармасы. Діни дәріс өткізу, дін насихатын жүргізу тек мүфтияттың құзырында. Діни басқарма мен «Жібек жолы» қайырымдылық мекемелер қауымдастығы былтыр келісімге отырып, құжатта тараптардың міндеттемелері көрсетілген. Нақтысын айтқанда, қайырымдылық қорлар діни білім беру процесіне араласпауы керек еді. Бірақ, келісімдегі талап сақталмапты. Естеріңізге сала кетейік, қазір Ішкі істер министрлігі екі қорға қарсы қылмыстық істі тергеп жатыр.