Kichik Islom Karimov Prezident Mirziyoyevga qanday ishora yo’llamoqda?

Gulnora Karimovaning og’li kichik Islom Karimov Prezident Mirziyoyevga murojaatida onasiga tegishli ayrim mulklar uning kuvovlariga o’tib ketganini iddao qilmoqda. Yaqinda Mirziyoyevning kuyovlaridan biri Oybek Tursunov mamlakatda yana bir biznesga egalik huquqini qo’lga kiritgani ma’lum bo’ldi. “Uzcard” aksiyalarining 75 foizini sotib olgan Oybek Tursunov mas’uliyati cheklangan jamiyatni o’z tasarrufiga o’tkazgan. Avvalroq Oybek Tursunov “Kapitalbank“ hissalarini xarid qilgani haqida xabarlar chiqqan edi. O’zbekiston siyosiy elitasi mulklarni qayta taqsimlayotganiga doir xavotirlar kuchaygan. Asosiy ustunlik prezidentning kuyovlaridami? “Amerika Ovozi“ Yevropada yashovchi o’zbek faoli, Gulnora Karimova ishi yuzasidan mustaqil surishtiruv o’tkazgan yozuvchi Safar Bekjon bilan gaplashdi.