“Үйэлээх ситим”. Электроннай картаҕа сирдэр төрүт ааттара

Бырайыак Арассыыйаҕа култуурнай нэһилиэстибэ сылынан биллэриллибит 2022 сылга сүрэхтэммит. Ол эрэн сир-дойду аатын көрдөөһүн, архыыбы хасыһыы үлэтэ бэл 2019 сылтан саҕалаан барбыт. “Үйэлээх ситим” бырайыак сүрүн сыала – өбүгэ сирин төрүт аатын быһааран, аныгы үйэ ирдэбилинэн электроннай көрүҥҥэ түһэрэн картаҕа киллэрии буолар. Картаҕа сирдэр ааттарын киллэрэргэ анаан сыһыарыы оҥоһуллубут. Бу сыһыарыыны оҥорорго Таатта улууһун ытык кырдьаҕастара, чуолаан Чөркөөх олохтоохторо, улахан көмө буолбуттар. Кинилэр архыып докумуоннарын сөргүтэн, 1800 сылтан бэттэх бэлиэтээһиннэри булан, сүҥкэн үлэни көрсүбүттэр. Ол да буоллар, бырайыак табыллыбыт, нэһилиэккэ баар сир, алаас барыта кэриэтэ аата быһаарыллыбыт. устар бөлөҕө бу сүдү бырайыак ааптарын, Чөркөөх олохтооҕун Гаврил Вырдылины кытта көрсүһэн карта туһунан сиһилии билистэ. Кини биһиэхэ үлэ хайдах, туох сыалтан саҕаламмытын, инникигэ туох былаан баарын туһунан сэһэргээтэ. Көрүҥ, истиҥ, сэргээҥ!