Регионы разамынды центрыл ацы аз æххæст кæны 4 азы

Регионы разамынды центрыл ацы аз æххæст кæны 4 азы. Уыцы рæстæгмæ интернеты тыгъдады бакуыстой цæрджыты 17 мин курдиатæй фылдæрыл, сбæлвырд кодтой 450 информацион компанийы, 60 ахуырадон мадзалы. Ныртæккæ центры специалисттæ æххуыс кæнынц паддзахадон куыстуæттæн æмæ ведомствотæн интернеты тыгъдады 1000 сæрмагонд сыфæй фылдæр æрвылбон æххæст кæнын æмæ дзы информаци парахат кæнын. Сæ сæйраг хæс та у Цæгат Ирыстоны цæрджыты æмæ хицауады ’хсæн пайда æмархайдыл кусын. Цæрджыты курдиæттæ исынц цалдæр къæпхæнæй. Интернеты тыгъдады социалон хызæгты бæрæг кæнынц курдиæттæ, бакусынц сыл, уый фæстæ та сæ арвитынц профилон министрадтæм. Сæ темæтæ дæр вæййын алыхуызон: фæндæгты æвзæр уавæрæй райдай æмæ ма суанг регионы экологон уавæрæй фæуы. Уыимæ ма регионы разамынды центры ис хи редакци дæр. æхуыс кæны хицауады оргæнтæн исын видео æрмæджытæ, аразы алыхуызон æмбарынгæнæн мадзæлттæ.