ИГІ ІСТЕР ЖАЛҒАСУДА

Елордада 150-ге жуық отбасыға азық-түлік бокстары таратылды. Бұл туралы Байқоңыр ауданы әкімінің орынбасары Ерлан Жаулыбаев айтты. Дін істері жөніндегі басқармасы мен діндерді зерттеу орталығы Байқоңыр ауданы әкімдігімен бірлесіп, елорда тұрғындарына тамақ тарату акциясын жалғастырды. «Қасиетті рамазан айы басталғалы әрбір мұсылман игі іс жасап жарысуда. Бұл айда қала тұрғындарына көмек қолын созуға біз де тырысамыз. Осы сынды акцияларды алдағы уақытта да ұйымдастырып тұруға ниеттіміз. Азаматтарымызға тек бірлік пен бақыт тілеймін»,- деді Дін істері басқармасының басшысы Нұрдаулет Әлмұханов. Еске сала кетейік, қаладағы эпидемиологиялық жағдайға байланысты, мешіттерде жылдағыдай ауызашар өткізуге болмайды. Сондықтан, карантиндік талаптарды сақтай отыра, елордалықтарға азық-түлік тарату акциясы басталған еді. Сонымен қатар, мешіттерде тарауих намазы мен жұма намазы да оқылмайды. Рамазан айына байланысты ақпарат білгіңіз келсе немесе дін саласына қатысты қандай да бір сұрақтарыңыз бен ұсыныстарыңыз болса