«Касінеры» - Беларуская Паўстанцкая Песьня

Касінеры біліся ў вызваленчых паўстаньнях 1794, 1831, 1848, 1864 гадоў, а таксама ў абарончай вайне 1939 году. Назва ўпершыню была дадзеная мазавецкім сялянам, незадаволеным другім падзелам Рэчы Паспалітай. Яны зьявіліся ў колькасьці 300 чалавек у войску Касьцюшкі і ня мелі іншага ўзбраеньня, апроч вэртыкальна насаджаных на шасты косаў. Каб пабудзіць сялянаў да паўстаньня, Касьцюшка ўсхваляў храбрасьць касінераў, двум зь іх надаў чыны афіцэраў і сам надзеў кафтан мазавецкіх сялянаў. Падчас паўстаньня 1863—1864 гадоў Кастуся Каліноўскага касінеры паўсталі ў Польшчы й Літве. Літоўскія касінеры часам замест косаў на дрэўках мелі проста вострыя палосы жалеза. ТЭКСТ КІРЫЛІЦАЙ Гэта што за сьцяг лунае Над акопам годна? Залаціцца зноў наш сьцяг У колерах народных. Дына-дына-дына, Любая Айчына! У снапе — каса, і дзіда, І Арол з Пагоняй, А вакол цудоўны надпіс Кормяць і бароняць. Дына-дына-дына, Любая Айчына! Слава нашаму народу, Што ў баях у полі Уздымае сьцяг Айчыны І бароніць волю. Дына-дына-дына, Любая Айчына! TEKST ŁACINKAJ Heta što za ściah łunaje Nad akopam hodna? Załacicca znoŭ naš ściah U kolerach narodnych. Dyna-dyna-dyna, Lubaja Ajčyna! U snapie — kasa, i dzida, I Aroł z Pahoniaj, A vakoł cudoŭny nadpis Kormiać i baroniać. Dyna-dyna-dyna, Lubaja Ajčyna! Słava našamu narodu, Što ŭ bajach u poli Uzdymaje ściah Ajčyny I baronić volu. Dyna-dyna-dyna, Lubaja Ajčyna!