Геройҙар беҙҙең арала

9 декабрь – Ватан Геройҙары көнө билдәләнде. Байрам уңайынан, Йәштәр эштәре буйынса комитет белгестәре акция ойошторҙо. Яңы иҫтәлекле дата 2007 йылдан алып билдәләнә. Тап ошо көндө император Екатерина II Еңеүсе Изге Георгий орденын булдыра, уның менән яуҙа ҡаһарманлыҡ, батырлыҡ һәм ҡыйыулыҡ күрһәткән яугирҙарҙы наградлайҙар. 1917 йылға тиклем был көндө Рәсәйҙә Георгий кавалерҙары байрамы билдәләнә. Хәҙер 9 декабрҙә Советтар Союзы Геройҙарын, Рәсәй Геройҙарын, Изге Георгий ордены һәм Дан ордены кавалерҙарын хөрмәтләйҙәр.