Шуйнуң командазы мэрниң Кубогу дээш демисежип кирипкен

Февраль 18-20 хүннеринде Бай-Тайга кожууннуң Шуй суурга хоочун спортчу Виктор Алдайның 70 харлаанынга тураскааткан бөмбүктүг хөккейге республика чергелиг маргылдаа болган. Бай-Тайга, Барыын-Хемчик, Чөөн-Хемчик болгаш Чаа-Хөл кожууннарның командалары дош кырынга демисешкен түңнелинде, Шуй суурнуң командазы чемпионап каан. Бо эрткен турнирге шаңналдыг чер кирген командалар Кызылдың мэриниң Кубогу дээш мячылыг хөккей маргылдаазында база киржип эгелээн