lovja govk_2016_me baitca

Леонид Никитинлысь кывбур лыддьӧ Федосеева Александра: Ме баитча лишь ныкӧт, кин эз ӧшты совестьсӧ, донсӧ, кинлӧн сьӧлӧмас олӧ важ деддэзлӧн медмича горт, кинлӧн ки эз лэбтісь пӧртны рочӧ не нывсӧ, не зонсӧ, кинлӧн мывкыдас дума, что сія эшӧ коми морт. Ме баитча лишь ныкӧт и ки нылӧ паныт нюжӧта, ась сералӧны йӧзыс, кинӧс миян шогным оз дойд, мийӧ Пармаын гортын и кортӧн тай огӧ ветлӧтӧ, ми и етшаӧн кыскамӧ ассиным комиӧ додь. Эта додьӧ тӧбалӧм дӧс отирлӧн сьӧкыт оланыс, нылӧн шоггез и думаэз, кӧднатӧг овны пондыв, сэтӧн норыс и гажыс, зорӧтісӧ кӧдна миянӧс, сэтӧн визыв и югыт, сьӧлӧм понда меддона кыв. Коми кыв, тэнӧ деддэз зорӧтісӧ важынся-важсянь, берегитісӧ сідз жӧ, кыдз дорйӧны пилісь олан, сійӧн ми род ӧштісь вылын, овлӧ, сераламӧ-ваксям: эд, кӧ выгода лоас, сэк мортыт то жид, то цыган. Парма мунымлӧн шогыс эд оз пальӧт «рочыслісь» онсӧ, совесть абу, дак мый мырлӧ кыввес, кӧть мымда тай модь... Ме баитча лишь ныкӧт, кин эз ӧшты совестьсӧ — донсӧ, кинлӧн мывкыдас дума, что сія эшӧ Коми Морт.