Амҳаџьырра амш азы агәалашәаратә усмҩаԥгатәқәа еиҿкаан Аҟәа

Аԥсадгьыл ахь архынҳәразы аҳәынҭқарратә еилаки Адунеизегьтәи аԥсуа-абаза конгресси рыбзоурала Амҳаџьырцәа рбаҟа иаакәыршаны еиҿкаан афотоцәыргақәҵа, Аԥсуа Ҳәынҭқарратә драматә театр аҿы ахәаԥшцәа идырбан ақәыргыламҭа “Ацынҵәарах“. Ианылашьца аҽцәа заԥхьагылаз аҿар абираҟқәа кны С. Багаԥшь ихьӡ зху адәы аҟынтә Амҳаџьырцәа рбаҟахьы рҿынархеит. Уаҟа ирыблит ашьамаҟа, еиқәырҵеит Нарҭаа рымца, амшын ихырҵеит ашәҭрқьақьақәа.