БОЛЕЗНЬ КАК РУКОЙ СНИМАЕТ. Молитва на исцеление. Сильная молитва

Молитва Пречистая Владычице Богородице! Вем, яко аз сквернен и нечист, и недостоин есмь, и всякаго греха исполнен есмь. Сего ради, яко повинный, со многим стыдом и со слезами вопию Ти, Владычице моя Богородице: помилуй мя и помози ми, и утеши мя, недостойнаго раба Твоего (имя рек). Мати всякия утехи, Сына Твоего и Бога нашего молити не престай, яко грешная и окаянная моя душа сниде во глубину зол. Аз же, грешный и нечистый, помышляя о прежних и нынешних своих гресех, рех: несть злобы никоея, еяже аз, окаянный, не сотворих. Того ради ужасаюся и боюся Сына Твоего и Бога моего и праведнаго Его судища. Тем же с сокрушенным сердцем и со слезами вопию Ти: умилосердися. Владычице моя Богородице, помилуй мя, самовластным умом преступившаго оправдания и повеления Сына Твоего и Бога моего. Не остави мя погибнути в моих греховных сквернах и обычаях, но посли на мя милости Твоя богатыя. Ты бо еси милосердия и милости Мати, не презри мя гибнущаго, но обрати мя и исторгни мя из тины греховныя, якоже древле Сын Твой исторг блудницу, блуднаго сына и мытаря. Даруй ми источник слез и омый скверну грехов моих. Не отрини мене, не гнушайся мене, сквернаго, но водами щедрот Твоих угаси изгоревшую напастьми душу мою, избави мя пламени бесовскаго обдержания и от лаяния их исхити мя, да вижду Тя отгоняющую от мене во время отшествия моего темноличных бесов, предавши мя благим и светлоличным ликом святых Ангелов. Ты бо еси, Богородице, грешником спасение, отчаянным заступление и обращение, печальным утехо. Тебе бо Сын Твой, Бог наш, дарова Ходатаицу нам, призывающим Тя от всего сердца. Спаси мя, Пресвятая Богородице, недостойнаго раба, ради милости Сына Твоего и Бога нашего, аминь. Особая молитвенная помощь жертводателям --- православие#хранитель православия#псалмы#наставление старцев#о последних временах старцы#православные старцы нашего времени старцы#пророчества#предсказания#вера#православие#церковь#бог#преподобный#Пророчество о последних временах#последние времена