Вольга Карач. Казка для дзяцей на беларускай мове “Іх клічуць беларусы“

Мы рыхтуем серыю казак на беларускай мове для дзяцей. Мы разумеем важнасць ведання роднай мовы, сваей гісторыі, сваіх каранёў; як важна любіць родную краіну і ганарыцца ёю. Пачнем з казкі “Іх клічуць беларусы”. Яна пра тое, як з’явіўся ў нашай краіне вусаты Таракан са сваім тараканавым сямействам, і як здарылася, што перастаў беларускі народ у чарговы раз быць гаспадаром на сваёй зямлі. Слухайце нашыя казкі разам з дзецьмі! У выглядзе казак заўсёды прасцей паднесці дзіцяці нават самую непрыемную праўду. Мы заўважаем, як цяжка бывае дзеткам, што вымушаныя былі пакінуць свой родны дом, што з’ехалі ў чужую краіну, што рассталіся з сябрамі, сваякамі, а часам і з бацькамі. І як бывае цяжка дзіцяці адаптавацца да новых умоваў, прыняць новую рэальнасць, жыць у нявызначанасці і невядомасці, у немагчымасці вярнуцца дадому, бо ніхто ня ведае, ці нарэшце можна будзе вярнуцца і калі. ------------------------------------------------------------------------------------- ▶Подпишись на наш канал: