Бордуолаах кинээс диэн кимий?

Суруйар-бичийэр эйгэҕэ бастакы дьоһун хардыыларын оҥорон эрэр Амма улууһун Мээндиги нэһилиэгин баһылыга Илья Семенов - Ураанай уола “Бордуолаах кинээс“ диэн 17-18 үйэ кирбиилэригэр олоро сылдьыбыт, Петр I ыраахтааҕыны кытта сирэй көрсөн сахалартан дьаһаах хомуйуутун бэрээдэктиири ситиспит, Кытай императорыгар тиийэ биллибит БОРДУОЛААХ КИНЭЭС туһунан историческай чахчыларга олоҕурбут, чуолаан норуодунай суруйааччы Василий Егорович Васильев - Харысхал, кыраайы үөрэтээччи Михаил Васильевич Алексеев, учуонайдар Окладников, Романов, онтон да атыттар үлэлэригэр олоҕуран суруйбут Аммабыт биир сүдү өбүгэбит туһунан олоҥхо драманы истиҥ, сэргээҥ. Олоҥхо читкатын Мээндигитээҕи “Алгыс“ сынньалаҥ киинин уус-уран самодеятельность кыттыылаахтара толороллор. Читка диэн сонун көрүҥ биһиги Аммабытыгар аан бастаан ыытылынна. Вера ИВАНОВА #якутия #сахасирэ #саха #амга #поэма #князь #вардулак #история #мээндиги #драма #читка