Fylkesmannen i Rogaland langs jærstrendene: Ølberg

Ølbergstranda i Sola er ikkje ein del av verneområdet, på grunn av bygningar og fiskerihamn. Det er likevel store natur- og opplevingskvalitetar knytt til dette korte strekket med sandynekyst. I dei grunne marine områda ved stranda kan besøkande oppleve sjøfuglar som mellom anna sjøorre, skarv, horndykkar og teist. I nord og sør går stranda over i bergkyst, med mange krigsminne frå andre verdskrigen. Ølbergstanda har store besøkstal, spesielt om sommaren. Jæren friluftsråd driv eigen campingplass ved stranda, og tilrettelegging og skjøtsel av dei sårbare sanddynene. Her er parkeringsplass, toalett, privat serveringsstad og ei lita fiskerihamn.