41-æм скъолайы байгом кодтой сæрмагонд æфсæддон операцийы архайæг Алексей Балашовы номарæн фæйнæг

41-æм скъолайы байгом кодтой сæрмагонд æфсæддон операцийы архайæг Алексей Балашовы номарæн фæйнæг. Мадзалы уыдысты йæ бинонтæ, хицауады уæнгтæ æмæ æхсæнадон организациты минæвæрттæ, скъоладзаутæ æмæ ахуыргæнджытæ. Алексей Балашов лæгдзинад æмæ тых равдисгæйæ, йæхиуыл нæ ауæрдгæйæ, знагимæ кæй хæцыд, уый фæдыл ын, Уæрæсейы Президенты указмæ гæсгæ, йæ мæлæты фæстæ лæвæрд æрцыд Лæгдзинады орден. Уазджытæн ма равдыстой йæ номыл киноныв. Номарæн фæйнæг байгом кодта Алексейы хо Алена. Зынгхуст æфсæддоны къамы цур сæвæрдтой дидинджытæ, йæ ном ын æрымысыдысты, минут æдзæмæй алæугæйæ. Мадзал баст у Фыдыбæстæ хъахъхъæнджыты бонимæ.