1945 թվականի սեպտեմբերի 7-ին Բեռլինում անցկացվեց հակահիտլերյան կոալիցիայի դաշնակիցների հաղթանակի շքերթը

1945 թվականի սեպտեմբերի 7-ին Բեռլինում անցկացվեց դաշնակից ուժերի` ԽՍՀՄ–ի, ԱՄՆ–ի, Մեծ Բրիտանիայի և Ֆրանսիայի հաղթանակի վերջին համատեղ շքերթը։ Այն պետք է ընդունեին Մարշալ Ժուկովը, ամերիկացի գեներալ Էյզենհաուերը, բրիտանացի ֆելդմարշալ Մոնտգոմերին և ֆրանսիացի գեներալ դը Տասինյին։ Սակայն ինչ–որ պահի շքերթի անցկացումը հարցական տակ դրվեց. դաշնակից գեներալները հրաժարվել էին ներկա գտնվել «զբաղվածության» պատճառով։ Բայց Ժուկովն անմիջապես զանգահարեց Մոսկվա: «Սպասեք, նրանք դեռ այնպիսի՜ բաներ կանեն։ Ուշադրություն մի՛ դարձրեք գլխավոր հրամանատարների մերժմանը և ինքներդ ընդունեք շքերթը, մանավանդ որ դուք ավելի շատ իրավունքներ ունեք, քան նրանք», - պատասխանեց Ստալինը։ Խորհրդային Միության և հակահիտլերյան կոալիցիայի երկրների հարաբերությունների հաջորդ փուլն արդեն սառը պատերազմն էր։