Rusiyadan erməni deputatlara qadağa - Baku TV

Rusiyadan erməni deputatlara qadağa - Baku TV Ermənistanda hakim partiyanın millət vəkillərinə Rusiyaya qarşı bəyanatlar verməkdən çəkinmək tapşırılıb. Bu barədə erməni mətbuatı yazıb. Məlumata əsasən, millət vəkillərinə Rusiya-Ermənistan əlaqələrinin daxili məsələləri barədə danışmamaq barədə göstəriş verilib. Bildirilib ki, bu kimi hallar erməni xalqına baha başa gələ bilər. Bundan sonra Rusiya-Ermənistan münasibətləri barəsində danışmaq hüququna birmənalı olaraq ölkənin Baş naziri Nikol Paşinyan sahibdir. Bildirilib ki, guya Paşinyan demək istədiklərini Rusiyaya diplomatik yolla çatdırır. Qeyd edək ki, Paşinyan bir neçə gün əvvəl növbəti hökumət iclası zamanı Rusiya sərhədçilərinin postlarının, eləcə də KTMT missiyasının Azərbaycanla sərhəd boyu yerləşdirilməsinə çağırıb və bu istəyini Rusiya ilə müzakirə etməyə hazır olduğunu vurğulayıb. Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.