Садагет Саидова - Ислягьвал хуьх

ЧIалар: Тамила_Хуршидова_Салманова (1983) Гьава: Майина_Абдулмуталибова (1945) 1 Гъамар – кIула, накъварин сел агудна, Жегьил чанар дидейривай къакъудна. Ватан патал чанар ганай бубайри, Мад дявеяр чанар къачуз рухвайрин. Тикрарбенд: Дяве патал ханачир хьи рухваяр, Умудар тир, хьун Ватандиз архаяр. Бахтлу уьмуьр тухун патал азад тир, Зегьмет чIугун гьар са касдин мурад тир. 2 Квез чIуру я мидяйрин къе ниятар, Вуч паталди худда тунва яракьар? Умуд квахьай югъ атункай кичIезва, Агъзур жуьре фикирри рикI эчIезва... Тикрарбенд: Чилел цава ислягьвилин нур хьурай, Дявекаррин бед ниятар чIур хьурай! Чилер-цавар къарсурзава дявейри. Ислягьвилихъ яларзава дидейри.