Православный календарь Среда 11 декабря 2024 / 28 ноября 2024

Седмица 25-я по Пятидесятнице. Глас седьмый. Рождественский пост. Пища с растительным маслом Прмч. и исп. Стефана Нового (767). Мч. Иринарха и с ним святых семи жен (303). Сщмч. митр. Серафима (Чичагова) (1937). Сщмчч. Алексия Веселовского, Алексия Смирнова пресвитеров, прмчч. Рафаила Тюпина, Викентия Никольского, сщмч. Василия Завгороднего диакона и мц. Анисии Маслановой (1937). Мц. Параскевы (1938). Сщмч. Николая пресвитера (1941). Обретение мощей прп. Сергия Сребрянского, исп. (2000). Свт. Феодора, архиеп. Ростовского (1394). Мчч. Стефана, Василия, Григория, другого Григория, Иоанна и иных многих (VIII). Мчч. Тимофея и Феодора, епп., Петра, Иоанна, Сергия, Феодора и Никифора, пресвитеров, Василия и Фомы, диаконов, Иерофея, Даниила, Харитона, Сократа, Комасия и Евсевия, монахов и Етимасия в Тибериополе. Мч. Христоса в Константинополе (Греч.). Св. Федора еп. Федозиполиса в Армении (VI). Св. Оды мц. Брабантской (726) (Нидерл.). Мц. Иуфвары Корневильской. Чтения дня 2 Солунянам 2:1-12 Луки 20:1-8 Тропари Прмч. и исп. Стефана Нового. Тропарь, глас 4. По́стнически предподвиза́вся на горе́,/ у́мная враго́в ополче́ния/ всеору́жием Креста́ погуби́л еси́, всеблаже́нне,/ па́ки же ко страда́льчеству му́жески вооружи́лся еси́,/ уби́в Копрони́ма мече́м ве́ры,/ и обои́х ра́ди венча́лся еси́ от Бо́га,/ преподобному́чениче Стефа́не приснопа́мятне. Ин тропарь, глас 3. Я́ко предпросия́вый, Стефа́не, житие́м по́стническим,/ и в ми́ре облиста́л еси́ тече́нием страда́льчества,/ разгна́л еси́ мра́чную пре́лесть ерети́чествующих,/ показа́вый и́стинную сла́ву правосла́вных,/ сего́ ра́ди просла́вился/ я́ко Боже́ственный свиде́тель И́стины Христо́вы. Кондак, глас 8. Тро́ицы рачи́теля и Боже́ственнаго Стефа́на/ восхва́лим ве́рно пе́сньми, празднолю́бцы, от се́рдца,/ я́ко почествова́вша начерта́ние кра́сное Влады́ки и Ма́тере Его́,/ и согла́сно ны́не от любве́ возопии́м ему́, ра́дующеся:/ ра́дуйся, о́тче присносла́вне. Кондак, глас 3. Из непло́дна, преподо́бне, ко́рене/ возрасте́ ветвь/ первострада́льцу тезоимени́те,/ мона́хов наста́вник вели́к, о́тче, яви́лся еси́/ и, я́рости не убоя́вся царя́,/ не хотя́ща Христо́в чествова́ти о́браз,/ сего́ ра́ди сконча́вся,/ му́ченический вене́ц прия́л еси́, Стефа́не. Свт. Феодора, архиеп. Ростовского. Тропарь, глас 4. От ю́ности твоея́ до́бре воспита́вся труда́ми,/ воздержа́нием, посто́м и моли́твами,/ чи́сту и непоро́чну сотвори́л еси́ ду́шу твою́,/ сего́ ра́ди на престо́ле святи́тельства се́л еси́,/ и я́ко звезда́ многосве́тлая, просвеща́я ве́рных сердца́/ заря́ми чуде́с твои́х, о́тче на́ш, святи́телю Фео́доре,/ и ны́не моли́ Христа́ Бо́га да спасе́т ду́ши на́ша. Ин тропарь, глас 5. От ю́ности, прему́дре, приле́жно подвиза́вся,/ и извеще́нием Свята́го Ду́ха/ превели́кую оби́тель воздви́же Пресвяте́й Богоро́дице/ в похвалу́ Рождества́ Ея́,/ струя́ми же сле́з твои́х безпло́тныя враги́ погрузи́л еси́,/ и, жития́ твоего́ целому́дрием со Áнгельскими ли́ки совокупи́вся,/ преподо́бне о́тче Фео́доре,/ с ни́ми же Христа́ Бо́га моли́/ спасти́ся душа́м на́шим. Кондак, глас 2. В моли́твах Го́сподеви предстоя́,/ я́коже кре́пкий адама́нт во у́твари,/ по вся дни́ и но́щи пред лице́м Бо́жиим светя́ся моли́твами,/ и́хже ра́ди трудо́в Незаходи́маго Све́та сподо́бився,/ но, я́ко име́я дерзнове́ние/ к ро́ждшемуся от Святы́я Де́вы Христу́ Бо́гу на́шему,/ Его́же моли́ непреста́нно о всех нас. Священномученика митрополита Серафима. Тропарь, глас 5. Во́инство Царя́ Небе́снаго/ па́че земна́го возлюби́в,/ служи́тель пла́менный Святы́я Тро́ицы яви́лся еси́,/ наставле́ния Кроншта́дтскаго па́стыря в се́рдце свое́м слага́я,/ да́нная ти от Бо́га многообра́зная дарова́ния/ к по́льзе наро́да Бо́жия приумно́жил еси́,/ учи́тель благоче́стия/ и побо́рник еди́нства церко́внаго быв,/ пострада́ти да́же до кро́ве сподо́бился еси́,/ священному́чениче Серафи́ме,/ моли́ Христа́ Бо́га/ спасти́ся душа́м на́шим. Кондак, глас 6. Саро́вскому чудотво́рцу тезоимени́т быв,/ те́плую любо́вь к нему́ име́л еси́,/ писа́ньми твои́ми по́двиги и чудеса́ того́ ми́ру возвести́в,/ ве́рныя к его́ прославле́нию подви́гл еси́/ и благода́рственнаго посеще́ния/ сама́го преподо́бнаго сподо́бился еси́./ С ни́мже ны́не, священному́чениче Серафи́ме,/ в Небе́сных черто́зех водворя́яся,/ моли́ Христа́ Бо́га/ серафи́мския ра́дости нам прича́стником бы́ти.