Վերադարձ դժոխքից. Բաքվում՝ գերի, Երևանում՝ կալանավոր

#Գերիներ #կալանավորում #5tv 1 ամիս առաջ՝ նոյեմբերի 17-ին, Նիկոլ Փաշինյանն առաջին անգամ ասաց, թե պետք է գերեվարման ամեն դեպք քննել: Այս երեքշաբթի սկանդալային արտահոսքով համացանցում հայտնվեց տեսանյութ, որում Ալեն Սիմոնյանը դասալիք էր անվանում գերիներին: Խորհրդարանի խոսնակը մոնտաժված որակեց տեսանյութը ու տարածեց մի ուրիշը՝ ոչ պակաս մոնտաժված, ոչ պակաս սկանդալային: Գերիների, անհետ կորածների հարազատները փակեցին հանրապետության հրապարակ բերող փողոցները, ոստիկանները փորձեցին գործողություն սկսել։ Չորեքշաբթի արդեն քննչական կոմիտեն հայտնեց, որ Իշխանասարի մեկօրյա մարտերի ժամանակ գերեվարված, հետո՝ գեներալ Մուրադովի ինքնաթիռով հայրենիք վերադարձած 10 գերիները հարցաքննվել են։ 10-ից 4-ը կալանավորված են: Ստացվում է՝ Բաքվից բոլոր գերիներին դեռ հետ չբերած, Հայաստանի իշխանությունը սկսել է ձեռնաշղթաներ հագցնել վերադարձածներին՝ լեզու դնելով թշնամու բերանը, ազատություն տալով ձեռքերին: Բաժանորդագրվեք մեզ՝