Футбол фанаттара⚽🏆🥇🥈🥉

Амма улууһун Мээндиги нэһилиэгин спорка уонна ыччаты кытта үлэҕэ специалист Андрей Данилов бу сайын төрөөбүт түөлбэтигэр аан бастакытын “Эркин“ диэн улуустааҕы мини-футбол күрэҕин бэйэтэ көҕүлээн, тэрийэн ыытта. Амма эбэ кэрэ кытылын үрдүгэр футбол фанаттара барыта алта хамаанда, бэл, Дьокуускай куораттан анаан-минээн кэлэннэр көхтөөхтүк кытыннылар. Биир күннээх тыҥааһыннаах күрэхтэһии түмүгэр Дьокуускайтан “Амга-Слобода“ бастакы, Амма нэһилиэгэ иккис, Мээндиги үһүс миэстэ буоланнар, мэтээллэринэн уонна грамоталарынан наҕараадаланнылар. Бастыҥ оонньооччулар анал номинациялар хаһаайыттара буолан үөрдүлэр-көттүлэр. #футбол #yakutia #амга #амма #нвксаха #сахасирэ #якутия #ulus #мээндиги