487 ձայներիզ, 756 ժամ․ ավարտվել է Ցեղասպանությունը վերապրածների ձայնային արխիվի թվայնացումը

Հանրային ռադիոյի արխիվի տնօրեն, երգիչ Արթուր Իսպիրյանը Sputnik Արմենիայի եթերում տեղեկացրել է, որ օրեր առաջ ավարտվել է սփյուռքահայ Պետրոս Ալահայթոյանի պահոցի 487 ձայներիզի (756 ժամ տևողությամբ)՝ Ցեղասպանությունը վերապրածների ձայնային արխիվի թվայնացումը։ Պատմությունների մեծ մասն ավարտվում է երգով։ Իսպիրյանը նշեց նաև որ արդեն թվայնացվել է 34 թվականից պահպանվող ձայնագրություններ՝ Հանրային ռադիոյի պահոցի մոտ 80%-ը, իսկ ամբողջն ավարտի կհասցվի արդեն հաջորդ տարի։ Նա խոսել է նաև «ձայնային Մատենադարանի» պահպանման գաղտնիքների և այն սերունդներին փոխանցելու անհրաժեշտության մասին։