Батыштын ыңкылап уюштурган ыкмасы. Видеобаян

Батыш төңкөрүштүн бардык өлкөлөр үчүн иштелип чыккан ыкмасын бир канча мамлекеттерге колдонуп жетишти. Бул жакынкы күндөрү Грузияда кайрадан кайталанып, өлкөнү дестабилизация эпкини каптады. Sputnik ыңкылап отун жандырып, бир катар мамлекеттерде адамдын өмүрүнө, өлкөнүн социалдык, саясий-экономикалык абалына зыянын тийгизген Батыш нускамалары тууралуу видеону окурмандарга сунуштайт. Митингдин алдына туруп гүл кармаган кыздар, полициянын калкандарына чапталган жүрөкчөлөр, чет тилде жазылган плакаттар, башка мамлекеттердин желектери, баррикадалар жана агрессиялуу чагымчылар – булардын бардыгы Грузиядагы нааразылыкта көзгө дароо урунган символдор. Батыштын революция жасап, дестабилизация кылууда колдонгон ыкмалары дал ушундай иштейт. Мындай сценарий менен мурдагы СССРдин көп өлкөлөрүндө нааразылык оту тутанган. Бул белгилердин баары Беларуста, Арменияда, Украинада, Кыргызстанда, Казакстанда, Молдовада жана ошол эле Грузияда кездешкен.