«Իմալ էնիմ,լաո՛»
Կատարում է`Սարգիս Ալավերդյանը.
Հատվածը`«Տոհմածառ» հաղորդաշարից է։
Տեսաֆիլմը նկարահանվել է Արևմտյան Հայաստանում,Արարատ լեռան լանջին` «Ակունք» ազգագրական համույթի մասնակցությամբ։
_________
Այս հրաշալի երգը ստեղծվել է 1915 թվականի եղեռնից հետո: Հայրենի երկիրը կորցրած պապը իրավունք էլ չունի գնալու իր «Էրգիրը», նա այլևս մահացու կարոտին չդիմանալով երգով ասում է իր թոռնիկին «Հելի լաո, էրթանք մըր էրգիր»,նկարագրում է իր դրախտային «Էրգիրը» և համարում է, որ եթե «Էրգիրը» չտեսած մահանա, ապա Աստծո վերջին դատաստանին պարտական կմնա:
©
_________
«ԻՄԱԼ ԷՆԻՄ,ԼԱՈ՛»
Իմալ էնիմ, լաո՛, իմ երազի հետ,
Կառնե յուր թևերուն ,ընձի կտանե հետ,
Կերթամ, կպտտիմ ես իմ նախնյաց հետ,
Կարոտս որ առա , ետ կդառնամ հետ:
Հելի, Հայրո՛, հելի , էրթանք մըր էրգիր,
Մշո պապակ հողին ես դառնամ ջրկիր,
Դիվահար ինձ շինիք, կաղաչեմ, փրկի՛ր,
Թե չէ, հեյ դատաստանին պարտական կեղնիմ:
Հելի, լաո՛, տանիմ խորոտ լեռըներ,
Տանիմ ման տամ ձըզի կաթնով ախպրներ,
Իջնենք Մեղրագետը, ես բռնիմ ձկներ,
Կարոտս որ առա , ետ կդառնամ հետ:
Հելի, լաո՛, տանիմ մեր գազպեն էրգիր
Էլսի կապ կքաշիմ , զիմ բռով թափիմ,
Թե որ չիկամ, ձեզի խաբիմ,
Հըլու դատաստանին պարտական կեղնիմ:
Հելի, Հայրո՛, հելի, էրթանք մըր էրգիր,
Մշո պապակ հողին ես դառնամ ջըրկիր,
Դիվահար ինձ շինիք, կաղաչեմ , փրկի՛ր,
Թե չէ, հեյ դատաստանին պարտական կեղնիմ:
3 months ago 00:03:45 2
