Электричкты студенттн м скъоладзаутн фндаггаджы аргъ фкъаддр уыдзн

Электричкæты студенттæн æмæ скъоладзаутæн фæндаггаджы аргъ фæкъаддæр уыдзæн. Уый тыххæй фехъусын кодтой хицауады æмбырды. Ног азæй бæлвырдгæнæн гæххæттытимæ Дзæуджыхъæу – Беслæн, Дзæуджыхъæу – Елхот маршрутты билет кæндзæн 13 сомы 80 капечы æмæ 34 сомы 20 капечы, нысангонд 27 æмæ 68 сомы бæсты. Ныхас цыд республикон бюджетыл дæр. Сæйраг финансон документы æфтиæгтæ фидæны аз уыдзысты 46 млрд сомæй фылдæр. Æрцыд ма кадртимæ ивддзинæдтæ. Атараты Оледжы суæгъд кодтой хицауады сæрдары фыццаг хæдивæджы бартæй, йæхи фæндмæ гæсгæ. Йæ куысты бынат ныууагъта физкультурæ æмæ спорты министры хæдивæг Дмитрий Кабацкий. Ног æмгъуыдмæ равзæрстой цæрæнуатон-коммуналон хæдзарад, артаг æмæ энергетикæйы министры хæдивæг Хадыхъаты Аланы æмæ транспортон æмæ фæндаггон инфраструктурæйы комитеты сæрдары хæдивæдджы Акъоты Аланы. Министры кабинет снысан кодта лæвар медицинон æххуысы фæдыл паддзахадон гарантиты территориалон программæ.