Гарадское дрэва ясен – ясень, ясенік, падуб. Дзе расце? Што вырабляюць з ясена? | Наш двор - Сусвет!

У першым выпуску відэаблога “Наш двор – сусвет!” мы шчыльна пазнаёмімся, уважліва прыгледзімся да нашага ганаровага суседа, жыхара гарадоў - ясена! Можна называць яго і больш звыкла - ясень. А яшчэ падуб – бо побач з дубамі любіць расці. Ці ясенік, ясеніна. І ўсе гэтыя імёны дрэва спакойна і велічна прымае. Маўляў, як хочаце завіце, абы не на дровы. Але тут не абяцаем. Бо надта ж ён прывабны! Ясен паўсюль шырока карыстаюць. Усе ягоныя болей як 50 відаў! Ён і ў печы добра гарыць – хату грэе, і ў медыцыне вядомы – афіцыйнай і народнай. З яго робяць што заўгодна: любую мэблю, вуллі, спартыўныя прылады - лыжы хаця б узгадайце! – і нават прыклады для стрэльбаў ды вінты для лёгкіх самалётаў! А з кары ды лісця вырабляюць сінюю, чорную і карычневую фарбы. Ясен здавён лічыцца «дрэвам міру», якое адраджае жыццё, дае сілы і абараняе. З насення ягонага гатуюць салаты ды спецыі. Недаспелыя плады марынуюць і дадаюць у мясныя стравы. А як жа яго любяць творцы! Мастакі на кары малююць фантастычныя карціны. З пня атрымліва