Преподобноисповедники Бетанийские Иоанн Майсурадзе и Георгий Мхеидзе

Преподобноисповедникам Иоанну Майсурадзе и Георгию Мхеидзе,отцам Бетанийским Тропарь преподобным отцам Бетанийским, глас 4. Бо́же оте́ц на́ших, творя́й при́сно с на́ми по Твое́й кро́тости, не отста́ви ми́лость Твою́ от нас, но моли́твами их в ми́ре упра́ви живо́т наш. Кондак преподобным отцам Бетанийским, глас 2. Волне́ний мно́жество невла́жно проходя́ще,/ безпло́тныя враги́ струя́ми слез ва́ших кре́пко погрузи́ли есте́,/ Богому́дрии и преподо́бнии;/ и чуде́с дар прии́мше,// моли́те непреста́нно о всех нас. Кондак преподобным отцам Бетанийским, глас 4. Земны́х и тле́нных наслажде́ние/ презре́вше я́ве, преблаже́ннии,/ пусты́нное житие́ изво́ливше,/ ми́ра же красне́йшее, и пи́щи вре́менныя возненави́девше,/ отону́дуже сподо́бистеся Небе́снаго Ца́рствия,/ с ли́ки му́ченик и по́стник веселя́щеся./ Те́мже, чту́ще па́мять ва́шу,/ вопие́м вам приле́жно:// от бед нас, отцы́, изба́вите. Величание Велича́ем вас,/ преподо́бнии отцы́ Иоа́нне и Гео́ргие,/ и чтим святу́ю па́мять ва́шу,/ вы бо мо́лите за нас// Христа́ Бо́га на́шего.