Сабырлық деп осыны айт...

Сабырлылық деп осыны айт... Адамзат баласы пенде болып жаратылғаннан соң бұл жалғанда түрлі қиындықтарға тап болуы немесе басына ауыр жағдай туғанда әл-дәрмені таусылуы әбден мүмкін. Осындай жағдайларда адам баласының жұбанышы – сабыр болары да сөзсіз. Ертеңгі күнінің жарық боларына сенеді. Сабырлық таныту адам баласын парасаттылықтың шыңына жетелесе, бір жағынан елеулі жетістіктерге қол жеткізеді. Сонымен сабыр сөзіне қысқаша анықтама беріп көрелік. Сабыр сөзі араб тілінде «الصبر – ас-сабру» деген сөз. Тіліміздегі мағынасы: «шыдамдылық таныту» дегенді білдіреді. Ал шариғатымыздағы терминдік мағынасы: «Жаратқанның разылығын алу ниетімен өмірде кезігетін түрлі сынақтарға, қиындықтарға асқан ұстамдылықпен байыптылық көрсету» деген сөз. Әрине сабырлы пенделерді Алла Тағаланың ерекше жақсы көретіндігі ақиқат. Өйткені сабырлы бола білген пенде Алласын таниды һәм Одан үміт етеді. @muslimkz