РӨСТӘМ ҒИЗЗӘТУЛЛИН ҠУНАҠҠА КИЛДЕ

Башҡортостан Башлығы Радий Хәбиров республикала 2024 йылды Һаулыҡ мөмкинлектәре сикләнгән кешеләр тураһында хәстәрлек йылы тип иғлан иткәйне. Ошоға ярашлы ҡала һәм районда мөмкинлектәре сикле граждандарға ҡарата күп кенә ярҙам саралары күрелә. Ошо көндәрҙә башҡорт эстарадының сағыу йондоҙо, Башҡортостандың халыҡ артисы Рөстәм Ғиззәтуллин Ишембайҙа йәшәүсе Тимур Ваһаповҡа ҡунаҡҡа килде һәм концертына саҡырыу ҡағыҙы тапшырҙы.