Мурсем комедий Кавасе алаша 30, 31 январьыште

Билеты М.Шкетан лӱмеш Марий кугыжаныш драме театр КАВАСЕ АЛАША / Небесный тихоход МУРСЕМ КОМЕДИЙ12 Премьер: 30 январь 2025 ий. «Кавасе алаша» спектакль эше 1945 ийыште экраныш лекше «Небесный тихоход» кинофильм негызеш ямдылалтеш. Тудо калыклан эн ончычак «Первым делом, первым делом самолеты» муро дене шарналтеш. Лачак тиде да фильмысе моло муро-влак сценыште ынде марла йоҥгаш тӱҥалыт. … Сар пытымеш нимогай ӱдырамаш, нимогай йӧратымаш лийшаш огыл – шке коклаштышт кутырен келшат кум йолташ – кум летчик. Лишыл кечылаште нунылан ӱдырамаш эскадрилий дене вашлияш перна манын палат гын, товатат, тыге огыт товатле ыле. Тысе тале летчик ӱдыр-влак тушманымат лӱдыктеныт. Но тул семын йӱлышӧ шинчашт воктенак улшо шке пӧръеҥ-влакланат оружий дене иктак лийын… Спектакль Кугу сеҥымашлан 80 ий теммылан пӧлеклалтеш. Сеҥымашым кондымаште йӧратымашынат надырже уло. Лач тидым пеҥгыдемден ойла у постановко. Автор – А. Яковлев, С. Тимошенко Режиссер-постановщик – Р. Алексеев Художник-постановщик – С. Таныгин Музыкальное оформление – С. Яндукова Хореограф-постановщик – Г. Бахтерев Художник по костюмам – Л. Воробьёва Видеопроекция – А. Иванов Рольым модыт / Роли исполняют: Рыбаков – Эдуард Яковлев, Артём Асмаев Булочкин – Алексей Тетерин Кайсаров – Иван Соловьев, Акпарс Иванов Туча – Алексей Юнусов, Павел Ефимов Ф.Г. Львович – Светлана Сандакова, Ирина Кубекова Дядя Саша – Сергей Данилов, Андрей Бусыгин Катя Кутузова – Марина Почтенева, Светлана Строганова, Алина Егошина Маша Светлова – Марина Трутникова, Наталия Алексеева Лена Павлова – Светлана Скулкина, Марина Воронцова Летчики экадрильи – Генрих Тимиряев, Людмила Казанцева, Кристина Лебедева