Полицейлерге деген құрмет қайтсе артады?

Осы аптада полицейлер меншікті мерекелерін атап өтті. Погон таққан ағайын дәл қазір індетке қарсы күрестің алғы шебінде ақ халаттылармен тік тұрып қызмет атқарып жатқандар қатарынан екеніне дау жоқ. Тәртіп сақшыларын құттықтаған Президент Қасым-Жомарт Тоқаев пандемия кезінде оларға деген құрмет арта түскендігін айтты. Алайда қоғам тарапынан құзырлы орган өкілдеріне деген көзқарас жалпы алғанда жақсы деуге келмейтін шығар. Заңмен емес, понятиемен өмір сүретін орта оларды ешқашан құрметтеген емес. Қарапайым жұрттың да қай кезде болмасын полицейге емешегі езіліп тұрмағаны анық. Себеп көп, жең ұшынан жалғасқан жемқорлық, қызмет бабын пайдаланып әлімжеттік жасау, озбырлыққа бару, қыл аяғы митинг болса, адамдарды кәрі-жас деп қарамай, көлікке тиегеннен кейін қадір қасиеттері кетіп-ақ жатыр. Бірақ ел болған соң полиция керек. #1tvkz #смотримвместе #бастыбағдарлама #Қазақстан