Фариза сыныбының салтанатты ашылу рәсімі

Өткен аптаның қасиетті жұмасында, Атырау қаласында орналасқан химия-биология бағытындағы Назарбаев Зияткерлік мектебінде - “Қазақ Поэзиясының Падишасы“, өлкеміздің бір туар ақын қызы Фариза ОҢҒАРСЫНОВАҒА арналған кабинет салтанатты түрде есігін ашты. Мектеп оқушылары мен қазақ тілі мұғалімдеріне жасалған бұл тарту, Зияткерлік мектептің қазақ тілі мен әдебиеті пәні апталығы аясында ұйымдастырылған шараның бірі. Облысқа белгілі әдебиеттанушылар мен ақынның ағайын туысы, көзі тірісінде батасын алып, ақын жолын жалғастырып келе жатқан шәкірттері қатысқан шара әдемі поэзия кешіне ұласты. Өлең-жырлармен сусындап, асыл ақынның шығармашлығына тәнті болған Назарбаев Зияткерлік мектебінің оқушылары болашақта мұндай шаралардың көптеп өтеуіне, қазақ әдебиетінің мол мұрасын насихаттауға ықылас танытты.