Հայկական դրամը 30 տարեկան է

1993 թվականի նոյեմբերի 22-ին ԽՍՀՄ պետական բանկի ռուբլու փոխարեն շրջանառության մեջ դրվեց դրամը: Երբ հարց առաջացավ նոր ազգային արժույթի ներդրման մասին՝ առաջարկվեցին տարբեր անվանումներ՝ «դրամ», «ստակ», «իբար», մետաղադրամների համար՝ «զուզա», «լումա» և այլն։ Դրամի խորհրդանիշն իրենից ներկայացնում է երկու հորիզոնական գծերով խաչված մեծատառ Դ, որով սկսվում է «դրամ» բառը: Մետաղադրամները հայտնվեցին թղթե փողերից մեկ տարի անց և սկսեցին պատրաստվել ալյումինից։