Салауат батыр - халыҡ күңелендә

Салауат Юлаев... Был исем Башҡортостан республикаһында һәр кемгә билдәле. Уның образы республика гербында бар, Салауат ҡалаһы уның исеме менән аталған, уға энциклопедия бағышланған. Салауат Юлаев исеме менән бәйле объекттарҙы, тарихтарҙы һәм риүәйәттәрҙе оҙаҡ һанарға мөмкин. Әммә милли башҡорт геройы Салауат Юлаевҡа арналған иң билдәле символдары – республиканың визит билдәһенә әйләнгән һәйкәл, роман һәм фильм хаҡында – «Салауат Образы ташта, китапта һәм кинола» виртуаль күргәҙмәһендә бәйән ителә.