Lousine Azaryan - Vard koshiks (Armenian folk song)

Հայ ժողովրդական «Վարդ կոշիկս» պարերգն է՝ Լուսինե Ազարյանի կատարմամբ։ Այս երգը բովանդակությամբ հիշեցնում է «Ալ այլուղս» երգը ( որտեղ աղջիկը իրեն սիրահարված տղային խնդրում է վերադարձնել իր կարմիր թաշկինակը։ Սակայն, եթե այս վերջինում իշխում է տխուր տրամադրություն, քանի որ այդ թաշկինակը աղջկան նվիրել էր իր սիրած տղան, որի մասին գիտեին նրա հայրն ու խորթ մայրը, և թաշկինակը տեսնելով ուրիշ տղայի մոտ, պիտի սկսեին հալածել աղջկան, ապա այստեղ իշխող է զվարթ տրամադրություն․ աղջիկը կորցրել է իր կոշիկը, որը համեմատում է ծաղիկների թագուհի վարդի հետ։ Դեռ ավելին, իր կոշիկն ավելի գեղեցիկ է քան վարդը։ Եվ տղային խնդրում է վերադարձնել այն, որը, ինչ-որ առիթով գիշերել է իրենց տանը, և ենթադրում է, որ սիրահարվել է իրեն ու իր կոշիկը թաքուն վերցրել՝ որպես հուշ աղջկանից։ Սակայն տղան հերքում է, թե քնել է նրանց տանը և վերցրել կոշիկը։ Եվ աղջիկը, փոքր-ինչ տարակուսելով, թե այդ դեպքում ուր կորավ իր կոշիկը, շարունակում է որոնել։ Երգի խոսքերը՝ աղջիկ․ Վարդ կոշիկս, վարդ կոշիկս, Վարդից գեղեցիկ մաշիկս, Մեր տան մեջը քնող տղա, Կարմիր խնձոր ծախող տղա, Վարդ կոշիկս գտնող տղա, Տղա, ղրկե վարդ կոշիկս։ Վարդ կոշիկս, վարդ կոշիկս, Վարդից գեղեցիկ մաշիկս։ տղա․ Ձեր տան մեջը քնել չեմ ես, Կարմիր խնձոր ծախել չեմ ես, Վարդ կոշիկդ գտել չեմ ես, Իմ մոտը չէ վարդ կոշիկդ։ աղջիկ․ Վարդ կոշիկս, վարդ կոշիկս, Վարդից գեղեցիկ մաշիկս,