Роспотребнадзор мохтаҗларга ярдәм итүче оешмага 15 мең сум штраф салган

Казандагы “Приют человека“ социаль реабилитация һәм адаптация үзәгенә Роспотребнадзор 15 мең сум штраф язган. Роспотребнадзор билгеләгән кимчелекләрне төзәтү өчен, үзәккә 1200 медицина битлеге һәм ике контактсыз термометр сатып алырга кирәк. Югыйсә, әлеге үзәктә вакытлыча яшәүче 40 мохтаҗ кеше кыш көне урамга куып чыгарылачак һәм үзәк 90 тәүлеккә ябылачак. Битараф булмаучылар бер көн эчендә үзәккә 89 мең сумнан артык акча җыйган, үзәккә 3850 битлек китергәннәр.