Мүнөөдэр үнгэргэгдэhэн Арадай Хуралай Соведэй зүблөөндэ соелой hүлдэ болодог гэр байранууд тухай хуулиин улас дотор хэр бэелүүлэ

Мүнөөдэр үнгэргэгдэhэн Арадай Хуралай Соведэй зүблөөндэ соелой hүлдэ болодог гэр байранууд тухай хуулиин улас дотор хэр бэелүүлэгдэжэ байhан тухай асуудал харагдаба. Тус зүблөөн Уласай Парламентын Түрүүлэгшэ Владимир Павловай хүтэлбэри доро үнгэргэгдөө. Түүхын болон соелой дурасхаалта хүшөөнүүдые харууhалха асуудал жэлэй нэгэ харагдадаг гуримтай. Буряад Уласай Толгойлогшын болон Засагай Газарай Захиргаанай соелой hүлдэтэй объектнуудые гүрэнэй талаhаа харууhалха хорооной түрүүлэгшэ Дугарма Цыренова элидхэлээ дурадхахадаа, Буряадай дэбисхэртэ соелой hүлдэтэй 1839 объект бүридхэлдэ абтанхай. Энэ жэлдэ 30 байра байшангынь hэльбэн шэнэлэгдэнэ, 133 сая 600 мянган түхэриг hомологдоно гээд мэдүүлээ. Недондоной суглаанда абтаhан шиидхэбэринүүд хүсэд дүүргэгдэнэгүй гээд hунгамалнууд шүүмжэлбэ. Юуб гэхэдэ, урданай байра байшангууд хаясаанай зандаа, ажаллагданагүй гээд хэлэгдээ. Энэ хэрэг гуримшуулха шухала гээд Арадай Хуралай Түрүүлэгшын орлогшо Баир Гармаев тэмдэглээ. Источник: Народный Хурал Бурятии